Ölkə ərazisində fəaliyyət göstərən kinoteatrlar yerli film istehsalının həcmini müəyyən etmək üçün vacib göstəricilərdərn biridir. Hazırda Azərbaycanda iki özəl kinoteatr şəbəkəsi fəaliyyətdədir: Cinemastercard və Park Cinema. Bunlardan başqa Mədəniyyət Nazirliyinin tabeliyindəki Nizami Kino Mərkəzi də yeni filmlərin nümayişi üzrə xidmət göstərir.
Hər həftə bu kinoteatrlarda yeni filmlər nümayişə çıxarılır. Bu filmlərdən daha çox tamaşaçı baxışı toplayanlar növbəti həftələrdə də baxış sayını artırmaqla kinoteatr həyatını davam etdirirlər. Tamaşaçı sayı az olan filmlər is təbii rəqabətə tab gətirməyərək daha erkən nümayişdən çəkilir.
2024-cü ilin ilk 6 ayında ölkə kinoteatlarında ümumilikdə 20 yerli film nümayiş olunub. Bu filmlərin böyük əksəriyyəti komediya janrında olsa da, xüsusilə qorxu, idman, melodram və triller janrında olan filmlərin artması da görülməkdədir. Bu dövrdə ən uzun müddət nümayişdə olan film “Hozu dayə”dir. Filmin nümayişi 2023-cü il noyabr ayının 1-dən başlasa da, hələ də kinoteatrlarda göstərilir.
Qeyd edək ki, 2023-cü ilin ümumi statistikasına müraciət etsək müqayisəli mənzərə göz önündə canlanar. Belə ki, keçən il Cinema Plus (Cinemastercard) kinoteatrlar şəbəkəsində 219 film göstərilib. Bu filmlərdən 14-ü yerli, 205-i isə xarici ölkələrin istehsalıdır.
Park Cinema kinoteatrlar şəbəkəsində isə 2023-cü il ərzində 213 film nümayiş olunub ki, bunlardan 29-u yerli, 184-ü xarici istehsaldır.
Cari ilin ilk 6 ayında 20 yerli film göstəricisi ilin sonuna qədər keçən ilə nisbətən Azərbaycan filminin nisbətinin artacağından xəbər verir. Tamaşaçılara müxtəlif janrlarda maraqlı Azərbaycan filmləri, filmlərə isə bol kassa uğuru arzu edirik.
| N | FİLMİN ADI | NÜMAYİŞ TARİXLƏRİ | KİNOTEATR ŞƏBƏKƏSİ | REJİSSOR | PRODÜSER | JANR |
| 1 | HOZU DAYƏ (2023) | 01.11.2023 – … Nizami Kino Mərkəzində və Park Cinemada davam edir | Nizami, Cinema Plus, Park Cinema | İlham Yaşaroğlu | İslam Ağa | komediya |
| 2 | CİN ATI (2023) | 29.11.2023 – … Nizami Kino Mərkəzində davam edir | Nizami, Cinema Plus, Park Cinema | Kənan Zeynalov, İsmayıl Zeynalov | Fariz Əliyev | komediya, qorxu |
| 3 | STADİONLAR SƏSSİZ OLANDA (2023) | 30.11.2023-10.01.2024 | Nizami, Park Cinema, Cinema Plus | Əli-Səttar Quliyev | Əli-Səttar Quliyev | idman, bioqrafik |
| 4 | XƏYANƏTƏ YOX (2023) | 21.12.20230-03.07.2024 | Nizami, Park Cinema, Cinemastercard | Valeh Əhmədov | Valeh Əhmədov | melodram, komediya |
| 5 | İTƏN GÜNDƏLİK (2021) | 11.01.2024-31.01.2024 | Park Cinema | Sədaqət Kərimova | Sədaqət Kərimova | melodram |
| 6 | ANA (2023) – qısametrajlı | 18.01.2024-31.01.2024 | Park Cinema | Vüsal Məmmədov | Yaşar Əhmədov | dram |
| 7 | BÖ ALAJEN (2024) | 25.01.2024-07.02.2024 | Park Cinema | Zaur Tahirsoy | Zaur Tahirsoy | qorxu, komediya |
| 8 | ÜLKƏR (2024) | 01.02.2024-21.02.2024 | Cinemamastercard, Park Cinema, Nizami | Xəyalə Meydanova | Faiq Nağıyev | dram |
| 9 | APATİYA (2024) | 09.02.2024-20.03.2024 | Cinemastercard, Park Cinema | Hikmət Rəhimov | Hikmət Rəhimov | dram |
| 10 | İYİRMİ BİRİNCİ MÖCÜZƏ (2024) | 22.02.2024-06.03.2024 | Cinemastercard, Park Cinema, Nizami | Şahin Qəhrəman | Ələsgər Mehdiyev | dram |
| N | FİLMİN ADI | NÜMAYİŞ TARİXLƏRİ | KİNOTEATR ŞƏBƏKƏSİ | REJİSSOR | PRODÜSER | JANR |
| 11 | SƏMA İLƏ GÖRÜŞ (2024) | 07.03.2023 – … Nizami Kino Mərkəzində davam edir | Park Cinema, Nizami | Rüfət Şahbazov | Orxan Mərdan | dram, ekşn, komediya |
| 12 | DOSTUM, YOXSA SEVGİLİM?!… (2024) | 14.03.2024-03.04.2024 | Cinemastercard, Nizami | Elvin Abdulla | Aqşin Fateh, Şəhriyar Məcidi, Elvin Abdulla | dram |
| 13 | QARABAĞ FK: 30 MÖVSÜM SƏFƏRDƏ (2023) – sənədli | 11.04.2024-17.04.2024 | Cinemastercard, Park Cinema | Fuad Quliyev | Arzu Əliyeva | idman |
| 14 | LANETLİ KİTAP (2024) | 18.04.2024-… Nizami Kino Mərkəzində davam edir | Park cinema, Cinemastercard, Nizami | Natiq Novruzov | Natiq Novruzov | qorxu |
| 15 | BİRLİKDƏ (2023) | 02.05.2024-22.05.2024 | Park Cinema, Cinemastercard | Vahid Mustafayev | Vahid Mustafayev | detektiv |
| 16 | ŞOR BİZNES (2024) | 09.05.2023-… Nizami Kino Mərkəzində davam edir | Cinemastercard, Park Cinema, Nizami | Valeh Əhmədov | Valeh Əhmədov | dram, melodram |
| 17 | PƏRDƏARXASI: MƏN BURADA TƏK OLMUŞAM (2019) – yenidən | 01.06.2024-03.07.2024 | Park cinema | Emil Quliyev | Emil Quliyev | psixoloji dram, kriminal |
| 18 | ELÇİLİK (2023) – yenidən | 01.06.2024-… Nizami Kino Mərkəzində davam edir | Nizami, Park Cinema | İlham Yaşaroğlu | Toğrul Hüseynov | komediya |
| 19 | RZA “OYUNUN SONU” (2024) | 20.06.2024-03.07.2024 | Park Cinema | Əli Əbdülsəmədzadə | Elçin Aydın | döyüş, dram, triller |
| 20 | HƏCİ BAŞQADU (2024) | 27.06.2024-03.07.2024 | Park Cinema, Cinemastercard | Elşad Zarafatsız | Murad EME | kriminal, macəra, komediya |
