Emil Nəcəfov 1980-ci ildə İrəvanda anadan olub. Azərbaycan Dövlət İqtisad Universitetində təhsil alıb (1996-2000).
İlk əmək fəaliyyətinə 1998-ci ildə Azərbaycan Respublikası Dövlət Statistika Komitəsində başlayıb. 2002-ci ildən etibarən isə artıq prodüser kimi tv və kino sahəsində çalışmağa başlayıb.
“M group production”da xətt prodüseri (2002-2004), icraçı direktor (2004-2006), “No Problem” MMC-də prodüser (2006-2007), “Made in Baku Production”da prodüser (2007-2009), “Ultra prodakşın”da prodüser (2010-2022) olaraq çalışıb.
“M group production”un istehsalı olan “Mərc Şou” və “Maşın Şou” TV lahiyələrinin icraçı direktoru olub.
2022-ci ildən “Azərbaycanfilm” kinostudiyasının direktor müavinidir.
Bir çox xarici filmlərin ölkə ərazisində çəkilişinin təşkilatçısı, prodüseri və koprodüseri olub. Prodüseri olduğu filmlər müxtəlif beynəlxalq festivalların müsabiqə bölməsində iştirak edib və mükafatlara layiq görülüb.
Emil Nəcəfov kino sənətinin insanın özünü tanımağa, duyğuları daha yaxşı anlamağa kömək etdiyini düşünr: “Biz tez-tez filmdəki personajlarla eyniləşir onların yaşadıqları emosiyalardan keçirik ki, bu da bizə istək və dəyərlərimizi daha yaxşı anlamağa imkan verir. Kino ictimai şüurun demək olar ki, bütün sahələrini əhatə etmək iqtidarındadır. Nəticə etibarı ilə kino insanları bir araya gətirən bir sənətdir.”
Emil Nəcəfovun seçilmiş filmoqrafiyası:
İnkoqnito (2012, qısametrajlı bədii film) – icraçı prodüser
Kapitan (2012, sənədli film) – prodüser
Sabiri düşünərkən (2012, sənədli film) – icraçı prodüser
Həyat çiçəyi (2013, bədii serial) – prodüser
Paradoks (2013, qısametrajlı bədii film) – prodüser
Səttarın Azərbaycanı (2013, sənədli film) – icraçı prodüser
Skripka (2014, qısametrajlı bədii film) – prodüser
Ümid (2014, qısametrajlı bədii film) – prodüser
Qırış (2018, qısametrajlı bədii film) – icraçı direktor
Balıqlara xütbə (2022, tammetrajlı bədii film) – koprodüser (birgə)
Hasar (2022, qısametrajlı bədii film) – prodüser
Qız qalası (VI) (2022, qısametrajlı bədii film) – prodüser (birgə)
Məhvolma (2022, qısametrajlı bədii film) – prodüser
Mən hələ də səninlə danışıram (2022, sənədli film) – prodüser
Yadlar (2023, qısametrajlı bədii film) – prodüser (birgə)
Mənim sehrli dünyam (2024, tammetrajlı bədii film) – prodüser (birgə)
