Bakıfilm kinostudiyası və Balans studiyasının istehsalı olan “Birlikdə və ya salam kədər” adlı tammetrajlı bədii film 2 maydan etibarən kinoteatrlarda nümayiş olunmağa başlanılıb.
Melodram janrında olan filmin rejissoru Vahid Mustafayev, baş rolun ifaçısı Fəxrəddin Manafovdur.
Film yaşlı prokuror Xalid Əliyarovun həyat yoldaşını itirdikdən sonra tənha qalmağı haqqındadır. Rəhbərlik onu bu tənhalıq krizisdən çıxarmaq üçün növbəti kriminal hadisənin açılmasında əməkdaş Gövhər xanıma dəstək olmasını xahiş edir. İşlə əlaqədar prokurorluq tərəfindən ona suni intellektə sahib olan Virtual Həmsöhbətlə (Vihəmlə) təchiz edilmiş avtomobil verilir və Əliyarov tənhalıqda tək olmadığını başa düşür. Böyük, müasir virtual aləmin nümayəndəsi olmasına baxmayaraq, Vihəm də tənhadır. Bu iki nəslin arasında ciddi uçurum var. Onlar ümumi dil tapa biləcəkmi…
BİRLİKDƏ
Növ: tammetrajlı bədii film
İl: 2023
İstehsalçı: Bakıfilm kinostudiyası, Balans studiyası
Müddət: 120 dəqiqə
Yaş həddi: 12+
Nümayiş tarixi: 02.05.2024
Nümayiş olunan kinoteatr şəbəkəsi: Cinemastercard, Park Cinema
Janr: melodram
Rejissor: Vahid Mustafayev
Ssenari müəllifləri: Ramiz Fətəliyev, Fəxrəddin Manafov, Vahid Mustafayev
Operator: Bayram Fəzli
Rollarda: Fəxrəddin Manafov, Rəşad Səfərov
Montajçı: Elşad Rəhimov
Səs rejissorları: Samir Ağayev, Murtuza Nəcəfli
Əsərindən istifadə olunub: Ramiz Fətəliyev
Prodüser: Vahid Mustafayev
Film Ramiz Fətəliyevin “Möcüzələr olmur” əsərinin motivləri əsasında çəkilib.
Film Vahidə Sadıqova-Manafovanın xatirəsinə ithaf olunub.