Rejissor Valeh Əhmədovun yeni filmi olan “Şor biznes” filminin 9 may tarixində qala gecəsi keçiriləcək. Tammetrajlı bədii filmin xronometrajı 85 dəqiqədir. AND prodakşın tərəfindən istehsal olunan film romantik dram janrındadır və baş prodüseri Valeh Əhmədovdur.
Filmin mövzusuna əsasən, şor satmaqla halal çörəyini qazanan, kənddə öz həyatı olan Qasım gündəmdə qalmaq üçün çalışan, şou biznesin reytinqli müğənnisi Rəna ilə təsadüfən qarşılaşır. Qasım şor satdığı üçün hər dəfə yoldaşı tərəfindən təhqirə məruz qalır. “TikTok”dakı videoları görüb bahalı həyat arzulayan yoldaşı şou biznesdən olan bir nəfərə qoşulub şəhərə qaçır. Konsert üçün kəndə gələn Rəna isə Qasımın başına gələnləri bilir və Qasıma bir təklif edir. Qəhrəmanları birləşdirən oyun həyatlarında çox şeyi dəyişir. Asan saydıqları oyun onları çətin vəziyyətə salır. Günümüzün xəstəliyi: sosial şəbəkə asılılığı, TikTok-da olan mənasız videolar, insanları tanımadan yazılan təhqirlər, bilib-bilmədən müzakirə olunan hadisələr, məşhurluq istəyi, trend davası, xəbər müzakirələri filmin ən aktual mövzularındandır.
Filmin yaradıcı heyəti aşağıdakı kimidir:
İstehsal ili: 2024
İstehsalçı: AND prodakşn
Növ: tammetrajlı bədii film
Janr: Romantik dram
Xronometraj: 85 dəqiqə
Baş prodüser: Valeh Əhmədov
Quruluşçu rejissor: Valeh Əhmədov
Sseanri müəllifləri:Valeh Əhmədov, Failə Nəbiyeva, Könül Ələsova, Elvin Ağayev.
Quruluşcu operator: Emil Qarayev
Rollarda: Elnar Qarayev, Elvina Atakişiyeva, Elvin Ağayev, Cəmilə Tağızadə, Yusif Tarverdiyev, Fərid Hüseynov
