Baku Cinema Breeze çərçivəsində 9 dekabr tarixində keçirilən “Birgə istehsal və distribusiya” adlı Cinema Talks sessiyası uğurla başa çatıb. Kinotənqidçi Hacı Səfərovun moderatorluğu ilə keçirilən paneldə Nasreddin Production şirkətinin və CineMastercard Kinoteatrlar Şəbəkəsinin rəhbəri Zaur Darabzadə, “TRT Sinema”nın müdiri Faruk Güven, “Səlahəddin Əyyubi” serialının quruluşçu rejissoru Sedat İnci, Ameli Entertainment Production rəhbəri Assel İris iştirak ediblər. Panelistlər öz peşəkar təcrübələrini bölüşərək həm regional, həm də qlobal kino bazarında tətbiq olunan modellərdən, onlayn yayım platformalarının kino sektoruna təsirindən, ölkələrin uğurlu birgə istehsal nümunələrindən bəhs edilib. Panel zamanı həm də beynəlxalq əməkdaşlıq imkanları, Azərbaycanla potensial tərəfdaşlıq istiqamətləri, birgə istehsalat prosesində diqqət tələb edən əsas məqamlar, eləcə də distribusiyanın uğurlu faktorları müzakirə olunub.
