Bu barədə filmin prodüseri Emil Nəcəfov kinoinfo.az-a məlumat verib. Silhouette Film Festivalı Avropanın ən vacib qısametrajlı film festivallarından sayılır. Festival innovativ və yaradıcı qısametrajlı filmlərin nümayişi üçün əsas platforma kimi şöhrət qazanıb. 30 avqust – 7 sentyabr tarixlərində keçirilən 23-cü Silhouette Film Festivalı dünyanın hər yerindən iştirakçıları və tamaşaçıları cəlb edir, kinorejissorlara işlərini beynəlxalq auditoriyaya təqdim etmək imkanı verir. Bu festival bir çox məşhur kinorejissorların karyerasının ilk addımlarında mühüm mərhələ olub.
“POV Memory” filmi hərbçinin həyatından bəhs edir. Filmin hadisələri dövrün texniki imkanlarına nəzərən 16 mm-lik lent, VHS kassetlərindən tutmuş müasir qadcetlər və termal təsvir kameraları ilə verilib.
Eksperimental filmin ssenari müəllifi, rejissoru və prodüseri İqor Smola, digər prodüserləri Emil Nəcəfov və Şi Şuaidir, operatoru Alisa Tareliçevadır. Filmdə Asiman Ağa Rövşən, Vüsalə Ağayeva, Ayla Ağayeva, Mahir Əsədov, Arzuman Mirzəsoy, Tamerlan Xəlilov, Konstantin Qriqoryev, Denis Okunev, Anton Klimkin, Elton Hacıyev, Kamal İlham, Dilarə Abdulayeva, Kamal İlham, Teyran İbişov, Elşən Məmmədov, Əli Əliyev, Ramil Baxşəliyev, Samir Rəcəb, Yusif Nağızadə çəkiliblər.
“POV Memeory” filmi indiyə qədər FNC, Zinebi, True/False və Go Short Beynəlxalq Kino Festivallarında iştirak edib.
