Ölkə daxilində istehsal olunan, eləcə də respublikaya gətirilən hər bir film kütləvi nümayişə çıxarılırsa, kinoteatrlarda nümayiş etdirilirsə, dövlət reyestrində qeydiyyatdan keçirilməlidir. Əks halda həmin filmlərin nümayişi “Kinematoqrafiya haqqında” Azərbaycan Respublikası Qanununun 7-ci maddəsinə əsasən qadağan edilir.
Filmlərin dövlət reyetsri bu mənada həm də statistik informasiya mənbəyi kimi dəyərlidir. Reyestrdəki siyahı ilə tanış olduqda ölkə ərazisində həmin dövrdə istehsal olunmuş filmlərlə bağlı məlumat əldə etmək mümkündür.
2024-cü ilin ilk 6 ayında dövlət reyestrində 28 yerli film qeydiyyatdan keçib. Bunların 13-ü sənədli, 15-i isə bədii filmdir. Qeyd edək ki, 2023-cü il ərzində ümumilikdə 82 Azərbaycan filmi qeydiyyatdan keçmişdi.
Müqayisə üçün bildirək ki, 2024-cü ilin ilk 6 ayında ölkə kinoteatrlarında 20 yerli film nümayiş olunub.
FİLMLƏRİN SİYAHISI
| N | FİLMİN ADI | İSTEHSALÇI | REJİSSOR | NÖV |
| 1 | Azərbaycanlı alimin dünya meridianları | Zəngəzur TV | Mircəlil Ağayev | Sənədli |
| 2 | İtən gündəlik | Qatfarfilm | Sədaqət Kərimova | Bədii |
| 3 | Apatiya | Hikmət Rəhimov | Bədii | |
| 4 | Bö | Azərbaycan Film Akademiyası | Zaur Tahirsoy | Bədii |
| 5 | Xəfif cinayətlər | Azərbaycan Film Akademiyası | Zaur Tahirsoy | Bədii |
| 6 | Bir səfərin izi ilə – Yaponiya | Azər Qərib | Sənədli | |
| 7 | Şəhidlər evə qayıdır | Bayfilm | Sahil Nəzərov | Sənədli |
| 8 | İyirmi birinci möcüzə | Nijat Mehdi Film Production | Şahin Qəhrəman | Bədii |
| 9 | Ülkər | FS Film Company | Xəyalə Meydanova | Bədii |
| 10 | Tanrının xilas əli | Babək Abbaszadə | Sənədli | |
| 11 | Bütün təhdidlərdən uca | Babək Abbaszadə | Sənədli | |
| 12 | Embrion yuxusu | Alex Film Production | Asif Abramov | Bədii |
| 13 | Ustad dərsi | SS Production | Samir Səmədov | Sənədli |
| 14 | Səma ilə görüş | Azərbaycan Kino Mərkəzi | Rüfət Şahbazov | Bədii |
| 15 | Nisan | NN Film | İbrahim Bülbül | Bədii |
| 16 | Dostum, yoxsa sevgilim | Dream Big Company | Elvin Abdullayev | Bədii |
| 17 | Tabuta sığmayanlar | Zahir Əsədov | Sənədli | |
| 18 | Ömürdən anlar | Elnurə Kazımova | Sənədli | |
| 19 | Mənim oğlum | Ramil Babayev | Sənədli | |
| 20 | Lənətli kitab | NN Film | Natiq Novruzov | Bədii |
| 21 | Şəhidlər unudulanda ölürlər | Nova Gorica Kino Mərkəzi | Aydan Əhmədova | Sənədli |
| 22 | Kandar | Bumeranq film | İlkin Yusif | Bədii |
| 23 | Şor biznes | And production | Valeh Əhmədov | Bədii |
| 24 | Daş Dəmir Paşa / Canavar | LT Group | Leyla Tofiqqızı | Sənədli |
| 25 | Şuşanın tək incisi | Zəhra Quliyeva | Sənədli | |
| 26 | Rza | Əli Əbdülsəmədzadə | Bədii | |
| 27 | Bir səfərin izi ilə – Çin Xalq Respublikası | Oralar | Azər Qərib | Sənədli |
| 28 | Həci başqadu | Elşad Zarafatsız | Bədii | |
