Ssenarist Tural Sevdimalı və Vüqar Hüseynovun birgə yazdığı “Mən, Lalə, bir də Şerlok Holms” adlı 12 bölümlük serialın çəkilişləri davam edir. Serialın quruluşcu rejissoru Rüfət Şahbazov, qurulгşcu operatoru Emil Qarayevdir. Baş prodüseri Amiran Babayev olan serial KAC Qrup Media tərəfindən istehsal edilir. İctimai Televiziyanın layihəsi olan serial ailəvi komediya və fantastika janrındadır.
Serialın əsas qəhramanı 7-ci sinif şagirdi olan Muraddır. Zəngin fantaziyaya malik Murad növbəti dəfə yay tətilinə çıxıb və istəməsə belə valideynlərinin məşğulluğu səbəbindən bütün yayı nənə və babasının yanında – kənddə keçirəcək. Murad kənddə həmyaşıdı olan Lalə və digər kənd uşaqları ilə dostlaşır. Lalə ona kənd həyatının incəliklərini öyrədir, Murad isə Laləni şəhərdən gətirdiyi qadjetlər və oxuduğu kitablardan öyrəndiyi maraqlı faktlarla təəccübləndirməyə çalışır. Muradın babası Oqtay müəllim təqaüddə olan polis polkovnikidir. Nənəsi Almaz xanım isə keçmiş ədəbiyyat müəllimidir və bədii ədəbiyyat nümunələri ilə zəngin böyük kitabxanası var. Babasıgildə qaldığı müddət ərzində Murad da kitablara maraq göstərir. Bir-bir o kitabları oxumağa başlayır.
Murad hər seriyada bir kitab oxuyur və kitabın qəhrəmanı xəyalında canlanaraq ona gündəlik çətinliklərini həll etməyə kömək edir. İlk seriyalarda yayı kənddə keçirəcəyi Muradı narahat edirdisə, getdikcə o artıq kənd həyatının gözəlliklərinə öyrəşir və burada yeni dostluqlar qurur. Hər seriyada Murad Lalə ilə birlikdə kəndə baş verən qəribə və dolaşıq hadisələrin çözülməsi ilə məşğul olur.
Serial biliklərin insanın həyatında xilasedici rolundan danışır, qohumcanlığa, dostpərvərliyə səsləyir. Hər kəsin şirin xatirələrində olan uşaqlıq illəri və macəra arzusunu canlandırır.
Növ: Bədii serial
İl: 2024
İstehsalçı: KAC qrup media
Baş prodüser: Amiran Babayev
Müddət: 12 bölüm
Nümayiş tarixi: 2024
Janr: ailəvi komediya, fantastika
Quruluşçu rejissor: Rüfət Şahbazov
Rejissor: Rasim Cəfər
Ssenari müəllifləri: Tural Sevdimalı, Vüqar Hüseynov
Quruluşçu operator: Emil Qarayev
Operator: Azər Kərimzadə
Rəssam: Atəş Hüseynov
Rollarda: Elnar Qarayev, Günay Həsən, Nigar Musazadə, Rüstəm İsmayılov, Səməd Yunuslu, İbrahim Süleymanlı, Camal Babayev, Dilarə Nəzərova, İqrar Salamov, Fəridə Qurbanova, Oktay Mehdiyev, Şəhla Əliqızı.
![](https://kinoinfo.az/wp-content/uploads/2024/07/17-1024x637.jpg)
![](https://kinoinfo.az/wp-content/uploads/2024/07/3-1024x637.jpg)
![](https://kinoinfo.az/wp-content/uploads/2024/07/4-1024x637.jpg)
![](https://kinoinfo.az/wp-content/uploads/2024/07/5-1024x637.jpg)
![](https://kinoinfo.az/wp-content/uploads/2024/07/6-1024x637.jpg)
![](https://kinoinfo.az/wp-content/uploads/2024/07/7-1024x637.jpg)
![](https://kinoinfo.az/wp-content/uploads/2024/07/9-1024x637.jpg)
![](https://kinoinfo.az/wp-content/uploads/2024/07/10-1024x637.jpg)
![](https://kinoinfo.az/wp-content/uploads/2024/07/14-1024x637.jpg)
![](https://kinoinfo.az/wp-content/uploads/2024/07/18-637x1024.jpg)
![](https://kinoinfo.az/wp-content/uploads/2024/07/19-637x1024.jpg)
![](https://kinoinfo.az/wp-content/uploads/2024/07/1-1024x637.jpg)
![](https://kinoinfo.az/wp-content/uploads/2024/07/12-1024x637.jpg)
![](https://kinoinfo.az/wp-content/uploads/2024/07/8-1024x637.jpg)
![](https://kinoinfo.az/wp-content/uploads/2024/07/2-1024x637.jpg)
![](https://kinoinfo.az/wp-content/uploads/2024/07/11-1024x637.jpg)
![](https://kinoinfo.az/wp-content/uploads/2024/07/16-1024x637.jpg)
![](https://kinoinfo.az/wp-content/uploads/2024/07/21-637x1024.jpg)
![](https://kinoinfo.az/wp-content/uploads/2024/07/15-1024x637.jpg)
![](https://kinoinfo.az/wp-content/uploads/2024/07/13-1024x637.jpg)
![](https://kinoinfo.az/wp-content/uploads/2024/07/20-637x1024.jpg)