Azərbaycan kinosunun ilk franşiza qəhrəmanlarından olan, hər hərəkəti, məzəli leksikonu ilə dodaqları qaçıran “Hozu” obrazı yeni qiyafədə tamaşaçıların görüşünə gəlib. Bu dəfə “Hozu 007” adlı növbəti filmi ilə.
“3İ Cinema” şirkətinin istehsal edəcəyi filmin baş prodüseri İslam Ağayev, ssenari müəllifləri Tərlan Nur Yaşar, Səbuhi Bayramov, Alim Cəfər və Məcid Hüseynovdur.
Filmin rejissorluğunu İlham Yaşaroğlu, quruluşçu operatorluğunu isə Rəşad Qarayev edib. Filmdə əsas rolları Məcid Hüseynov, Tərlan Nur Yaşar, Samir Ələsgərov, Aqil M.Quliyev, Ruslan Ahıskalı canlandırırlar.
Bu dəfə “Hozu 007” filmində tanış olacağımız Hozunu agent rolunda görürük. Filmdə varlı bir kişinin qızı oğurlanır. Qızın axtarışına dünyanın müxtəlif ölkələrindən agentlər cəlb edilir. Necə olursa, bizim Hozu da onların arasına düşür və gizli agent olaraq o da qızın axtarışına çıxır.
Növ: tammetrajlı bədii film
İl: 2024
İstehsalçı: 3İ cinema
Müddət: 105 dəqiqə
Yaş həddi: 12+
Nümayiş tarixi: 01.11.2024
Nümayiş olunan kinoteatr şəbəkəsi: Cinemastercard, Park Cinema, Nizami Kino Mərkəzi
Janr: koemdiya
Rejissor: İlham Yaşaroğlu
Ssenari müəllifləri: Tərlan Nur Yaşar, Səbuhi Bayramov, Alim Cəfər, Məcid Hüseynov
Operator: Rəşad Qarayev
Rollarda: Məcid Hüseynov, Mark Kim, Aqil M.Quliyev, Kazım Həsənquliyev, Xumar Səlimova, Samir Ələsgərov, Ruslan Ahıskalı, Tərlan Nur Yaşar
Prodüserlər: İslam Ağa, Məcid Hüseynov